Iragarki Laburrak plataforma
Salerosketa eta trukea euskaraz
Iragarki Laburrak salerosketa eta truke plataforma indarberritzeko asmoekin bat eginez, web plataformaren diseinua eta garapenaz arduratu gara Elkarmedian.
WordPress eduki-kudeatzailea oinarri hartuta, neurrira sortu dira eduki-mota eta funtzionalitate guztiak: erregistroa, iragarkiak igo, editatu eta ezabatzeko sistema, mezuen bidalketa, bloga, e.a. Iragarki Laburrak-ek tokiko euskal komunikabideekin (Hitza, Ataria, Anboto, Uztarria, e.a.) duen elkarlan harremana dela eta, haien webguneetan beren eskualdeko iragarkiak erakusteko sistemak mantentzeko garapenean aldaketak ere burutu dira.
Bizi-bizi dagoen proiektua da, euskarak interneten duen presentzian ezinbesteko lekua betetzera etorria eta euskal komunitatearentzat erreferentziazko gune dena eta izan nahi duena.
